Zindagi sirf aur lene ka nahi dene ka naam bhi hai ………………………….!!!

Zindagi sirf aur lene ka nahi dene ka naam bhi hai ………………………….!!!

Shayad upar ke sheershak ko dhyan se pada jaye to lagta hai bahut hi sadharan si baat hai  isme kya khas hai har jagah jahan diwaron par soovichar likhe hote hai ,kisi newspaper ke kisi kone me , kisi kitab me kahin ya kahin dharmik pravachano me hum  sabhi ne is prakar ki line padi ya suni hui hai.par kya hum vakai is line ka bhavarth samajhkar use charitaarth kar paye hai,agar sachhe dil se ek baar poonche to shayad bahut kam hi aise milege jo kah payen ki haan ! mene ye kia hai.kai logon ke liye janam lena aur har roz ko sirf ek din ki tarah gujar dena aur un dino ko mahino me aur mahino ko saalo me ji lena hi jindagi ko jeena hai.kehte hai ki “apne dard par to janwar bhi ro leta hai jo auron ke dard par aankhe nam karen wo insaan hota hai,aksar hum samvedna heen vyavhar dekhte hai kai baar to hum khud, to kai baar humare hi is vyavhar se doosre aahat hote hai.hum aksar is baat ka to badi hi samajhdari se hisab kitab rakhte hai ki hume zindagi me kitni khushiya aur kitne gam mile,jyadtar gam se sambhandit shikayaton bhara hissa jyada hota hai aur milne wali khushiyon ko aksar bhool hi jate hai.

Aaj me aap sab ke sath ek choti aur sadharan si magar prabhavshali  kahani batne jaa raha hoon jo shayad aapke,mere aur naa jane hum jaise kai logon ka zindagi ke prati najariya hi badal kar rakh de………..

Ye kahani ek vyakti  ki dincharya ko bayan karti hai jo hum jaisa hi hai shiv ek nojawan ladka tha aur ek private company me engineer ki post par kaam karta tha,aachi noukari ke sath theek thhak salary bhi thi uski,aacha milansar nature hone ki wajah se sabhi ke usse aache hi relation the, wah roz subah 9 baje apne office ke liye nikalta tha aur office ki raaste me baithe ek bhikahrin ko jo apne 5 saal ke bête ko school bhejne ke liye wahan baithkar  par logon se madad mangti thi use kuch rupye deta tha,aur office pahunch kar apne kaam me lag jata tha.lunch time me office ke paas hi hotel me wah khana kahne jaya karta tha aur wahan par khana khate samaye roz wah apni 6 rootiyon me se ek roti ek kutte ko de diya karta tha jise dhekar hotel ka malik usse aksar samjata tha ki shiv babu kyon apne hisse ki rotiyan is kutte par barbaad karte ho ye kya fayada dega, ye sunkar aksar shiv sirf muskurakar kehta tha ki hum insaan to kama kar kha sakte hai par ye bejuban janwar ka khayal kon rakhega.shaam ko office se aate waqt shiv kuch foolon ka guldasta laana nahi bhoolta tha mrs. Sharma ke liye jo ek 75 varshiye bujurg mahila thi aur shiv ke pados me hi rehti thi,wo lakve se peedit thi aur theek se chal phir nahi pati thi bas ghar ke bahar wale kamre me leti rehti thi unke ghar walon ne bhi unke theek hone ki umeed chhod di thi.ye tino kaam shiv ki dincharya ka hissa ban chuke the aur isse poora karne me shiv ke kuch paise bhi kharch hote the.shiv ke dwara madad magne wali aurat ko paise,lunch time wale kutte ko roti ,aur bhujurg mahila mrs. Sharma ke guldaste me phool kabhi jayada aur kabhi kam ho jate the par wo bhoolta nahi tha.dhekhne wale log use aksar samjhate the ki tumhe sirf apne bare me sochna chahiye is sabka  koi fayada nahi bikharin ko diye jane wale paise kabhi uske bête ki padai me upyog nahi honge ,shiv ko sirf apna pet bharna chahiye kutte ki bhook ki chinta wo kyon karta hai,bujurg mrs.sharma ki chinta jab unke ghar ke log nahi karte to shiv kyon roz kuch phoolon ka guldasta dekar unke sath 5 min barbaad karta  hai  aur ye sab sunkar bhi shiv sirf muskura deta tha.

Halanki logon ki baat bhi to sach hi thi kyonki jin logon ke liye shiv ye sab kar raha tha wo naa hi shiv ko koi profit dene wale the aur naa hi us paise par koi interest laga kar wapas  karne wale.to kyon kar raha tha shiv ye sab kuch, ye sawal aksar logon ke man  me aata tha kuch log iska jawab ye maante the ki ye shiv ki bewakoofi hai.

Ye dincharya chalti rahi kai dino tak nirantar,ek din jab shiv roz ki tarah apne office ke raste me baithe madad magne wali aurat ko paise dene laga to paya ki aaj uska beta wahan uske sath nahi tha ye dekhar shiv chounk gaya tabhi achanakk usne dekha ki uska beta aaj school ki uniform me apne sapne ko poora karne ke liye tayar tha ye dekhar shiv ke chehre par bahut badi khushi ka bhaav tha.aur lunch time me hotel malik ne bataya ki pichli raat uske hotel me kuch chor gushne ki koshish kar rahe the par shiv ke kutte ne hi unhe bagaya tha aur wah kutta aab shiv ka roz intezar jo karta hai…

Shiv ke un kuch phollon wale guldaste aur do mithe bol bhi shayad kaam karne lage the kyon ki doctor ne kahan ki mrs.sharma ki sehat me teji se sudhar ho rha hai aur ab wah thoda thoda chalne bhi lagi hai,kabhi kabhi apne kamre se nikal kar colony ke garden me shaam ko tehlti hai aur iske liye mrs. Sharma shiv aur uske un phoolon ke guldaste ko thank you kehti hai .Aur ye sab badlav dekhkar shiv ke  aas pass ke log bhi achambhit the,aur shiv ke man me bhi ek santushti ka bhaav tha.

Is kahani ka mool arth ye nahi hai ki aap sirf paison se hi kisi ko kuch de sakte,ya kushiyan batane aur madad karne ke liye kisi gareeb aur besahara logon ko dodne ki jarrorat hai.aap bas khule dil kisi ke liye bhi aur kahin bhi chahe wo insaan ho ya janwar ya pedpodhe aap kuch aacha kar sakte hai.koshish jarrori nahi ki bahut badi ho wo bahut choti bhi ho sakti hai wo kehte hai na choti choti koshishen hi to bade kaam banati hai.

Zindagi se hume itna sab kuch mila hai bas jaarorat hai to isse dene ki aur aapne aas pass baatane ki ye dene ki aadat kahin se bhi shuru ho sakti hai chahe to apne ghar se hi Karen angrezi me ek kahawat famous hai “charity begins from home” aap apne ghar me hi ek poudha lagayen jab wo poudha kuch samye baad ped banega logon ko chhanv aur fal dega to yakeen maniye aap ko bhi ek santushti milegi. Agar aapke ghar me ya aas pass koi bujurg ho to unke sath yadi pyaar se baat karte hue 2 min bhi bitate hai to yakinan unke chehre par aapki baton se aane wali muskurahat aapke dil ko sukoon degi.

To bas aaj se hi lene ke sath sath dena bhi shuru kariye janab kyonki Zindagi sirf aur lene ka nahi dene ka naam bhi hai ………………………….